គណៈបញ្ជាការឯកភាពខណ្ឌសែនសុខ បន្តចុះបង្ក្រាបករណីប្រើប្រាស់សារធាតុញៀន
25-January-2016 | ដោយ មួយឡា
ភ្នំពេញ៖ នៅរសៀលថ្ងៃទី២៤ ខែមករា ឆ្នាំ២០១៦ កម្លាំងអធិការដ្ឋាននគរបាលខណ្ឌសែនសុខ ដឹកនាំដោយ លោក ម៉ក់ ហុង អធិការនគរបាលខណ្ឌ សហការជាមួយប៉ុស្តិ៍នគរបាលសង្កាត់ទឹកថ្លា ចៅសង្កាត់ កម្លាំងប្រជាការពារ មេភូមិ បានចុះប្រតិបត្តិការបង្ក្រាប ករណីប្រើប្រាស់សារធាតុញៀននៅចំណុចក្រុមទី១០-ទី១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ។
យោងតាមរបាយការណ៍របស់ លោក ម៉ក់ ហុង អធិការនគរបាលខណ្ឌសែនសុខបានអោយដឹងថា ក្នុងកិច្ចប្រតិបត្តិការខាងលើ ក្រោមការបញ្ជានិងការចង្អុលបង្ហាញរបស់លោកអភិបាលខណ្ឌសែនសុខ និងជាប្រធានគណៈបញ្ជាការឯកភាពរដ្ឋបាលខណ្ឌ ក្រុមការងារយើងបានអនុវត្តន៍ ទទួលបានលទ្ធផល ជារួមគឺឃាត់ខ្លួនជនសង្ស័យចំនួន ២៣នាក់ ដកហូតម៉ូតូចំនួន ០៧គ្រឿង ឧបករណ៍ប្រើប្រាស់់សារធាតុញៀនមួយចំនួន នៅចំណុចក្រុមទី១០-១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ រាជធានីភ្នំពេញ ។
បច្ចុប្បន្នជនសង្ស័យ វត្ថុតាង និងសម្ភារៈទាំងអស់នេះ ត្រូវក្រុមការងារបានបញ្ជូនទៅអធិការដ្ឋាននគរបាលខណ្ឌសែនសុខ ដើម្បីចាត់ការតាមនីតិវិធីច្បាប់៕ ដោយមែនកំសត់
ចំនួនអ្នកទស្សនា
- ថ្ងៃនេះ931
- ម្សិលមិញ4461
- សប្តាហ៍នេះ5401
- ខែនេះ27281
- ឆ្នាំនេះ27281
- សរុប20469737